 |
|
|
|
Пенливо вино добиено 100% од Chardonnay грозје од сопствените насади на винаријата Камник. Ова пенливо вино изобилува со комплексност која се открива во раскошот на нежните меурчиња. Станува збор за brut nature пенливо вино кое е добиено со традиционален метод на тригодишно созревање во шише, со што се создава моќна и елегантна арома со впечатливи овошно-зачински ноти. Вкусот е полн и кремаст, совршено избалансиран со овошни ноти и минерални поттонови надополнети со цитрусна свежина со што се овозможува уживање во долготраен послевкус.
Ова пенливо вино има потенцијал за повеќегодишно созревање во шише.
Се препорачува како аперитив, во комбинација со свежа морска храна или свежо овошје.
Препорачана температура на послужување: разладено на 6-9 °C.
|
Алкохол: 11.5% Vol. |
Дегоржирано: Декември 2021 |
Претходни берби:
Spark Rose 2017
Spark Brut Nature 2014, Blanc de Blancs
SPARK 2010 BRUT Traditional Method
Розе пениво вино добиено со фузија на внимателно одбрани гроздови од врвната сорта на грозје Pinot Noir.Виното се одликува со нежна и префинета бледoрозеникава боја, како и со деликатност која се открива во сјајот на нежните меурчиња. Овој брут e добиен со традиционален метод на двегодишно созревање на виното на фин талог во шише (en tirage), со што се создава моќно и созреано буке кое пленува со впечатливи овошни ароми на свежа малина и јагода, надополнети со зачински ноти на печен лешник. Елегантниот и полн вкус совршено е избалансиран со овошни тонови, минерални поттонови и цитрусна свежина која овозможува долготраен послевкус.
Уживајте во ова пенливо вино како аперитив, или во комбинација со свежо овошје или избрани сирења.
Препорачана температура на послужување: 6-9°C.
|
Алкохол: 12% Vol. |
Дегоржирано: Јануари 2021 |
Претходни берби:
Spark Rosé 2014
Brut Sparkling Wine
Traditional Method
Пенливо вино добиено 100% од Темјаника грозје од сопствените насади на винаријата Камник. Ова пенливо вино изобилува со комплексност која се открива во раскошот на нежните меурчиња. Куриозитетот за ова бело полуслатко пенливо вино е традиционалниот метод на четиригодишно созревање во шише со што се создава комплексна и елегантна арома и се зачувува сортноста. Виното изобилува со впечатливи овошни ароми на сува кајсија, кора од портокал и бели цветови. Вкусот е полн и кремаст, совршено избалансиран со овошно-зачински ноти надополнети со цитрусна свежина со што се овозможува уживање во долготраен послевкус.
Ова пенливо вино е совршено прикладно во комбинација со десерти или специјалети од гускина паштета.
Препорачана температура на послужување: разладено на 6-9 °C.
|
Алкохол: 12.5% Vol. |
Дегоржирано: Февруари 2019 |
Ова Пенливо вино е добиено 100% од Chardonnay грозје од сопствените насади на винаријата Камник. Изобилува со комплексност која се открива во раскошот на нежните меурчиња. Станува збор за Brut пенливо вино кое е добиено со традиционален метод на четиригодишно созревање во шише со што се создава моќна и елегантна арома со впечатливи овошно-зачински ноти. Карактеристиките и привлечноста на ова вино се истакнуваат со дoдавањето на фини ливчиња од вистинско 23-каратно злато во самото вино. Golden Spark, освен со својот ултрамодерен, нежно-сјаен изглед, се одликува и со полн и кремаст вкус, совршено избалансиран со овошни ноти и минерални поттонови надополнети со цитрусна свежина со што се овозможува уживање во долготраен послевкус. Ова пенливо вино има потенцијал за повеќегодишно соревање во шише.
Се препорачува како аперитив, во комбинација со свежа морска храна или свежо овошје.
Препорачана температура на послужување: разладено на 6-9 °C.
|
Алкохол: 12% Vol. |
Дегоржирано: Февруари 2021 |
