 |
|
|
|
 |
|
|
|
|
|
|
|
|
Ова суво црвено вино е добиено oд внимателно селектирани гроздови од сортата Pinot Noir. Виното се карактеризира со нежна рубин црвена боја. Мирисот е впечатлив, пред сé овошен, открива ароми на малина, брусница и вишна. Вкусот е средно полн, елегантен, со испреплетени ароми на црвено овошје и сладок корен. Cозревањето во буриња од американски и француски даб му дава на ова вино дополнителна структура и зачински ноти на каранфилче и дим, завршувајќи со долг послевкус. Виното се одликува со одлична хармоничност и меки сомотести танини кои му овозможуваат капацитет за неколкугодишно созревање во шише.
Ова вино одлично се комбинира со специјалитети од димен лосос, пате од гуска, или со одбрани меки сирења.
Препорачана температура на послужување: 13-15°C.
|
Алкохол: 14% Vol. |
Полнето: Август 2023 |
Претходни берби:
PINOT NOIR 2019
Суво црвено вино добиено со фузија на внимателно одбрани гроздови од сортата Vranec од органско потекло (40%), oд Merlot (40%) и Carménère (20%). Виното се одликува со рубин црвена боја. Аромата е комплексна, со истакнат овошно-зачински карактер кој потсетува на зрела цреша, надополнета со дискретни поттонови на ванила. Вкусот е полн, со кадифено меки танини кои му овозможуваат на ова вино долг послевкус и капацитет за неколкугодишно созревање во шише.
Комбинирајте го ова вино со одбрани јаки сирења, италијански колбаси и разни специјалитети од месо. Препорачана температура на послужување: 12-15°С
|
Алкохол: 14% Vol. |
Полнето: Јуни 2023 |
Претходни берби:
Суво црвено вино добиено со винификација на внимателно одбрани гроздови од сортите Montepulciano (71%) и Vranec (29%) од сопствените насади на винаријата Камник, одлгледувани со особено внимание и редукција на родот.
Ова вино се карактеризира со длабока рубин црвена боја и интензивен мирис кој открива ароми на зрела капина и црна слива. Вкусот е полн и маркантен, со испреплетени тонови на капучино и какао, и долготраен послевкус. Mеките сомотести танини и хармоничната свежина му овозможуваат на виното капацитет за неколкугодишно созревање.
Комбинирајте го ова вино со специјалитети од црвено месо, пате од гуска со слатко од кромид, или со одбрани сирења.
|
Алкохол: 14% Vol. |
Полнето: Септември 2023 |
Претходни берби:
MONTE 2020
MONTEPULCIANO 2018
Monte 2018
Суво црвено вино добиено со винификација на внимателно одбрани гроздови од сортите Merlot (43%), Vranec (38%) и Cabernet Franc (19%). Виното се одликува со интензивна рубин црвена боја и допадлива арома на црно ситнозрнесто овошје, надополнетo со дискретни зачински поттонови и долг послевкус. Комплексноста на ова кувe се должи на 22-месечното одлежување во нови и делумно користени буриња од француски и американски даб. Вкусот е полн, со висока содржина на екстракт и меки сомотести танини кои му овозможуваат на ова вино потенцијал за повеќегодишно созревање во шише.
Kомбинирање: со јаки сирења или специјалитети од месо и дивеч.
Препорачливо е виното да се декантира пред послужување.
Препорачана температура на послужување: 15-18°С.
|
Алкохол: 15% Vol. |
Полнето: Април 2023 |
Претходни берби:
Ова суво црвено вино е добиено од истоимената сорта на грозје Syrah, од сопствените насади на винарија Камник. Посебноста на ова вино произлегува од двојната редукција на приносот на грозје, што резултира во парцијално дехидрирање на гроздовите на самата лоза и добивање фенолно зрело грозје. Виното се одликува со интензивна рубин црвена боја, висок екстракт и потенцијал за созревање. Букетo изобилува со ароми на капина, црна рибизла и слива што се истакнува преку винификација со 6% Вранец грозје. Комплексноста на ова вино се должи на 20-месечното одлежување во нови буриња од американски и француски даб, што допринесува за добивање дискретни зачински тонови на мока кафе, ванила, сладок корен и темно чоколадо. Вкусот е елегантен и полн, со одлична структура, меки и кадифени танини и добро интегрирани дабови ароми со долготраен послевкус. Ова вино има капацитет на повеќегодишно созревање во шише.
Виното се служи на температура од 15-18°С, во комбинација со разни видови месо, особено дивеч во пикантен сос.
|
Алкохол: 16.5% Vol. |
Полнето: Август 2023 |
Претходни берби:
Ten Barrels Syrah 2020 Reserva
Ten Barrels Syrah Reserva 2019
Ten Barrels Syrah Reserva 2018
Ten Barrels Syrah
Reserva 2017
Ten Barrels Syrah Reserva 2016
Ten Barrels Syrah Reserva 2015
Ten Barrels Syrah 2011 Grand Reserva
Суво црвено вино произведено 100% од внимателно избрани гроздови од сортата Merlot од сопствените насади на винаријата Камник. Oва вино се одликува со длабока рубин црвена боја со виолетова нијанса. Процесот на 28-месечно одлежување на виното во нови буриња од американски и француски даб резултира во комплексен мирис кој открива овошно-зачински тонови, со доминантна арома на ситнозрнесто црно и црвено овошје, надополнетa со ноти на ванила и кафе. Виното има полн и елегантен вкус кој изобилува со меки и интегрирани танини, а долготрајниот и постојан послевкус се карактеризира со сладок корен и чоколада.
Виното има капацитет за повеќегодишно одлежување во шише.
Oва вино совршено се комбинира со специјалиети од месо, особено со дивеч со додаток на разни пикантни сосови, како и со разни видови на сирења.
Препорачанa температура за конзумирање: 15-18°С.
|
Алкохол: 14.5% Vol. |
Полнето: Април 2023 |
Претходни берби:
Merlot Single Vineyard 2019 Reserva
Merlot Single Vineyard 2018 Reserva
Merlot Single Vineyard 2016 Reserva
Merlot Single Vineyard Reserva 2015
Merlot Single Vineyard Reserva 2014
Merlot Single Vineyard Reserva 2013
Merlot Single Vineyard Reserva 2011
Merlot Single Vineyard Reserva 2010
Merlot Single Vineyard Reserva 2009
Премиум суво црвено вино добиено од сортата Cabernet Sauvignon. Виното се одликува со изразена рубин боја со темноцрвени нијанси. Вистинска резерва со препознатлив, зрел и раскошен мирис со овошно-зачински карактер. Потсетува на ситнозрнесто црвено и црно овошје во комбинација со сладок корен, темно чоколадо, печено кафе и нане, надополнети со ванилинско-зачински тонови. Оваа комплексност се должи на 23-месечното созревање во нови буриња од француски и американски даб. Вкусот е полн, хармоничен, со убава структура, импресивни и меки танини и долготраен послевкус кој на ова вино му дава посебен шарм и капацитет од повеќегодишно зреење во шише.
Виното се послужува на температура од 16-18°С и одлично се комбинира со специјалитети од разни видови месо, особено со бифтек во сос од зелен бибер или дивеч во пикантен сос.
|
Алкохол: 15% Vol. |
Полнето: Јануари 2023 |
Претходни берби:
TEN BARRELS CABERNET SAUVIGNON2018 Reserva
TEN BARRELS CABERNET SAUVIGNON2016 Reserva
TEN BARRELS CABERNET SAUVIGNON 2015 Reserva
Ten Barrels Cabernet Sauvignon Reserva Reserva 2013
Ten Barrels Cabernet Sauvignon 2011 Reserva
Ten Barrels Cabernet Sauvignon 2009 Reserva
Ten Barrels Cabernet Sauvignon 2007
Ten Barrels Cabernet Sauvignon 2006
Суво црвено вино добиено од 100% одбрани гроздови и природно просушени на самата лоза, од сортата Вранец. Виното се одликува со карактеристична густина за сортата, одлична подвижност и динамичен вискозитет. Бојата е длабока и темна рубин црвена, а аромата е овошно-зачинска и потсетува на комбинација од зрела капина, боровинка и модра слива, со дискретна нота на нане. Со процесот од 24-месечно зреење во нови буриња од француски и американски даб се добива исклучително полн и интензивен вкус на џем од црно овошје, со долг и перзистентен чоколаден послевкус. Хармоничната свежина, меките сомотести танини и комплексното букe со префинета структура му овозможуваат на ова вино потенцијал за долго созревање. Со одлежувањето на подолг период во соодветен амбиент ова вино ќе добие дополнителна комплексност и раскош.
Комбинирајте го ова вино со специјалитети од црвено месо, дивеч во пикантен сос, или јаки сирења.
Препорачана температура на послужување: 15-18°С.
Препорачуваме да се декантира пред послужување.
|
Алкохол: 16% Vol. |
Полнето: Август 2021 |
Претходни берби:
TERROIR VRANEC
Grand Reserva 2015
TERROIR VRANEC Grand Reserva 2013
Terroir Vranec Grand Reserva 2012
Ова пoсебнo сувo црвенo винo е дoбиенo oд 100% внимателнo oдбранo грoзје oд сoртата Мerlot. Винoтo се oдликува сo длабока рубин црвена бoја и темна виoлетoва нијанса. Куриoзитет за oва винo е 24-месечнoтo oдлежување во нови буриња од француски и американски даб, кои во текот на созревањето два пати се заменети со нови. Оваа ретко применувана метода на созревање , 200% барик, резултира со интензивен, созреан и комплексен мирис на зрело црвено овошје, дискретна ванила и поттонови на ментол и каранфилче. Вкусот е богат, полн, хармоничен, со одличен баланс, мека танинска структура и долготраен овошно-чоколаден послевкус. Грижливото одлежување во шише во своодветен амбиент на подолг период ќе му даде на ова вино дополнителна комплексност.
Се препорачува да се консумира на температура oд 15-18° С, во комбинација со специјалитети од црвено месо, дивеч во пикантен сос и созреани сирења.
Препорачливо е виното да се декантира пред послужување.
|
Алкохол: 17% Vol. |
Полнето: Декември 2019 |
Претходни берби:
Ова посебно полусуво црвено вино е добиено од 100% внимателно одбрано грозје од сортата Cabernet Sauvignon. Виното се одликува со длабока рубин црвена боја и темна виолетова нијанса. Куриозитетот за ова вино е примената на природна редукција на родот со која се овозможува парцијално дехидрирање на гроздовите на самата лоза. Процесот од 30-месечното одлежувањето на ова вино во нови буриња од американски и француски даб резултира со интензивен, созреан и комплексен мирис на зрелo пасирано црно овошје, дискретна ванила, сладок корен и зачински поттонови. Вкусот е богат, полн со исклучителна тежина, мека танинска структура, хармонични киселини и долготраен овошно-чоколаден послевкус. Со продолженото зреењето во шише на соодветен амбиент ова вино добива дополнителна комплексност.
Се препорачува да се консумира на температура од 15-18°С, во комбинација со специјалитети од црвено месо, дивеч во пикантен сос и со одбрани зреени сирења.
Препорачливо е виното да се декантира пред послужување.
|
Алкохол: 15% Vol. |
Полнето: Јуни 2022 |
Претходни берби:
Премиум црвено десертно вино добиено од доцна берба на одбрани гроздови од сортата Cabernet Sauvignon. Виното се карактеризира со бистрина и нежна рубин црвена боја. Интензивниот овошно-зачински мирис потсетува на сладок сируп од мешавина на ситнозрнесто овошје, дополнет со ноти на зелена пиперка како карактеристика на сортата. Вкусот е полн, хармоничен, многу екстрактивен, со пријатни киселини кои ова вино го прават избалансирано и со долготраен послевкус.
Се препорачува да се консумира самостојно или како десерт на температура од 13-15°С, со одбрани јаки сирења или сув колач од темно чоколадо.
|
Алкохол: 15.1% Vol. |
Полнето: Јуни 2012 |
Суво црвено вино добиено од истоимената сорта на грозје Кратошија. Ова вино се карактеризира со длабока рубин црвена боја, која се истакнува преку винификацијата со 15% Вранец. Букетo изобилува со ароми на црвено и црно ситнозрнесто овошје, надополнети со зачински поттонови. Ова вино претставува вистинска резерва, што се должи на 30-месечното одлежување во нови и делумно користени буриња од американски и француски даб, кои допринесуваат за добивање дискретни зачински тонови на каранфилче, надополнети со мирис на мока кафе, ванила и сладок корен. Вкусот е елегантен, комплексен и полн, со одлична структура, висок екстракт, меки и кадифени танини и добро интегрирани дабови ароми преточени во долготраен послевкус. Ова вино има потенцијал на повеќегодишно созревање во шише.
Виното се служи на температура од 15-18°С, во комбинација со разни видови месо, особено дивеч во пикантен сос.
|
Алкохол: 15% Vol. |
Полнето: Септември 2022 |
Претходни берби:
Ова вино се карактеризира со волшебни ноти на пиперка и црвен пипер, вкусови на цреша и живописен јужен шарм. Ова Carménère е вино со полно тело, карактеристично по својата пикантност. Неговата длабока црвена боја, кармин, ја наговестува бојата на лисјето во лозјето пред есенскиот листопад. Вкусот потсетува на сочни печени пиперки, темно чоколадо и тутун, дополнет со меки танини.
Ова вино одлично се комбинира со печено јагнешко, Медитерански зеленчук на скара и музичка комбинација – Bossa Nova Jazz.
Препорачана температура на послужување: 15-18°C.
|
Алкохол: 13.5% Vol. |
Полнето: Ноември 2022 |
Претходни берби:
Carménère 2020
Carménère 2019
